【反修例】不滿警處理元朗襲擊事件首度上街　何小姐：當人民受傷就要為自己將來行出嚟

反修例的遊行已持續接近兩個月，幾乎每個周末也有，今日在中環遮打花園舉行「全城追究上環開槍集會」，仍有市民首次參與，心情非常激動，認為「當人民受傷害，就要為自己將來行出嚟」，又批評政府在事件上的處理手法龜縮。

何小姐自言過往不明白政治，直至上周日和昨日觀看元朗西鐵站的新聞片段後，畫面太震撼，心情至今「屈住屈住，好唔舒服」。她表示不明白警方為何在沒有警示下，無聲無息發放催淚彈和衝入西鐵站打人：

今日不出來，會覺得良心過意唔去，市民是無辜和無助！點解要咁對佢哋！

昨日警方在元朗大馬路施放催淚彈，驅散示威者，她批評警方的處理手法「唔得」，或會造成更大傷害。

莫講話老人院，如果射咗入人地屋企爆咁點算？你點知射咗去邊？咁啱屋企有人煮緊嘢，係咪會爆啊？

她形容政府於是次事件上的處理手法是「龜縮」，希望不要再有暴力發生，哭訴要求特首林鄭月娥盡快回應市民的訴求，平息現時的暴力事件。

我唔知行出嚟有冇用，因為真係唔識政治嘅嘢。但當人民受傷害，我哋就要行出嚟，為咗自己嘅將來！